пайщик: с. Ытык Кюель, Таттинский улус

Биһиги Иовлевтар дьиэ кэргэн - Нюргуяна Сергеевна уонна Павел Филиппович диэн буолабыт. Бэйэм 27 саастаахпын, 4 оҕолоох иллээх дьиэ кэргэн маанылаах хаһаайкатабын. Эдэрдии эрчимнээх, аныгылыы көрүүлээх, түргэн-тарҕан туттуулаах далбар хотуммун, тэтимнээх олоҕу кытта тэҥҥэ хардыылаһан, урбаанньыт эйгэтигэр бэртээхэйдик холонобун, бастыҥ общественникпын, активиспын.  Кэргэним Павел 30 саастаах, ыал тапталлаах аҕата, эрэллээх эркинэ.

Мин 13 сааспыттан Роберт Киосаки кинигэлэрин сөбүлээн, үлүһүйэн ааҕабын. Ол аахпыппыттан туһанабын. Маннык ааҕыы киһи өйүн-санаатын, толкуйун уларытар. Харчыны хайдах экономиялыырга үөрэтэр. Ол курдук, бэйэм кыра-кыралаан 16 сааспыттан вклад - уурунуу  оҥорорго үөрэммитим.Мин бу 2013 сылтан “Алмазкредитсервис” компанияны билэн, өр үөрэтэн-чинчийэн баран, кинилэр өйөбүллэригэр тирэҕирэн, билигин урбаанньыт аатын эрэллээхтик сүгэ сылдьабыт. Хамнаспыт кыра да буоллар,  хамнаспытыттан 30% - 50% илдьэн угабыт, уурунабыт. Улаханы тугу эмит атыылаһарга туһа буолуо диэн. Манна диэн эттэххэ, ууруммакка эрэ ол харчыны тутуннахха, син-биир мээнэ, туһата суохха баранар. Ол иһин, бэлиэтээн этиэм этэ, төһө да кыра хамнастаах буол, 30% туспа вклад арынан уурунар, мунньунар буол.

“Алмазкредитсервис” үлэһиттэригэр барҕа махталбын тиэрдэбин. Кинилэр туттуулара-хаптыылара түргэн, өйдөөбөтөх ыйытыыгар чопчулаан үчүгэй баҕайытык быһааран, сүбэлээн-амалаан биэрэллэр.  Киирдэххэ куруук үөрэн мичилиһэ олорор буолаллар. Ону көрөн, киһи санаалыын сырдыыр, сүргэтэ көтөҕүллэр.  “Алмазкредитсервис” компанияҕа баҕарабын инникитин өссө тупсарыгар, хас биирдии киһиэхэ туһалаах буоларыгар!