Күндү Сахабыт сирин олохтоохторо, ытык-мааны ыалдьыттара!

Эһигини саха омук саамай күүтүүлээх кэрэ-бэлиэ күнүнэн, Үрүҥ Тунах ыһыаҕынан итиитик-истиҥник эҕэрдэлиибит!


Ыһыах Айыылартан анаммыт аан дархан алгыһын иҥэринэн, уохтаах кымыһын ыймахтаан, оһуохай, тойук, хомус дьикти алыбыгар уйдаран, түһүлгэҕэ төбүрүөннээн олорон ирэ-хоро кэпсэтэн, быыппастар былчыҥнаахтартан, кус быһыйдартан сөҕөн-махтайан, уһун суһуохтаах кэрэ куоларбыт килбик мичээрдэриттэн астынан манньыйан, бүгүҥҥү күҥҥүт үрдүк үөрүүтэ сыллааҕы сылааҕытын таһаардын, саҥа үүммүт сылга саҥа санаалары сахтын, күүс-уох биэрдин, суолгут-иискит аартыктарын арыйдын, алгыһынан арчылаатын, аламаас таастыы арылыйа сырдаатын!


Үгүөрү үптээх, инникигэ бигэ эрэллээх, киэҥ далбар сандалылаах саха бастыҥа буолан сандаарыҥ, киһи гиэнэ кэрэмэһэ буолан килбэйиҥ, биһигинниин өрүү бииргэ буолуҥ!


Уруй-туску, айхал-мичил!!!