«Мой Уютный Двор» диэн фотоконкурс Сахабыт сирин араас муннуктарыттан олус кэрэ көстүүлээх тэлгэһэлэри мунньан соһутта

Холобур, Сунтаар улууһун олохтооҕо — «Алмазкредитсервис» паайдааҕа Сардаана Николаевна олус дьикти дьарыктааҕын туһунан биллибит Кини 2000 сыллардаахтан үлүһүйэн туран тэлгэһэтин бытылка хаппаҕынан дьэрэкээн өҥнөөн киэргэтэр эбит

Бу дьарыга хайдах саҕаламмытын туһунан Сардаана Николаевна үллэстэр: «Бастаан детсад үлэһитэ сылдьан элбэх баҕайы «арасаа» бытыылката, хаппаҕа бөххө быраҕылларын бэлиэтии көрбүтүм уонна киһи маны туохха эмит туһаҕа таһаарыан сөп эбит диэн санааҕа кэлбитим… Эбиитин субботунньукка сыбаалка хомуйуутугар тахсан баран, элбэх да бөх быраҕыллар эбит диэн сонньуйа санаабытым… Салҕыы санаам буолбакка, айылҕабыт ыраас буоларыгар туох эмэ кыра кылаат киллэрэр баҕаттан бэйэм бытыылка хаппахтарын хомуйан саҕалаабытым…

Бастаан уутаа хаппахтары туой буорга ууран тротуар курдук оҥорор этим онтон курятник, сарай истиэнэлэрин киэргэтэн барбытым☺ Билигин сылын аайы тэлгэһэбит иһин кыра-кыра киэргэтэн иһэбит: кыһынын хаппах мунньабыт, сайынын онтукайдарбытын туһанабыт. Эбиитин кофе, фломастер хаппахтарын эмиэ декор оҥорорго туттабыт Билигин үөрэрим диэн детсад, оскуола үлэһиттэрэ хаппахтарын хомуйан миэхэ туттараллар

Араас күрэхтэргэ кыттар буоллубут. Уонна бу «Алмазкредитсервис» тэрийэр «Мой уютный двор» күрэҕэр үөрүүнү кытта кыттыыны ыларга сананныбыт
Дьоҥҥо- сэргэ5э айылҕаҕа тулалыыр эйгэҕэ харытсабыллаахтык сыһыаннаһыахха диэн ыҥырабыт!☺»