“Өйдөһөн, өйөһөн олоруохха, чөл  олоҕу тутуһуохха!»

Таатта улууһун Ытык Күөл нэһилиэгигэр биир сэдэх дьарыктаах, истиҥ сыһыаннаах  дьиэ кэргэн, «Алмазкредитсервис» паайдаахтарын туһунан кэпсиибит

Зоя Ивановна уонна Анатолий Афанасьевич Сыроватскайдар тапталлаах төрөппүт, эһээ-эбээ буолалларын таһынан, иллэҥ кэмнэригэр быысыпканнан астына дьарыгыраллар

Иккиэн тутуспутунан олорон эрэ кэрэттэн-кэрэ араас дьэрэкээн көстүүлээх хартыыналары оҥороллор таһаараллар. Хас биирдии хартыыналара, хатыламмат, дьоҥҥо-сэргэҕэ күндү бэлэх буолар, быыстапкалары киэргэтэр. Быысыпканнан 30-тан тахса сыл эйэ дэмнээхтик үлүһүйэллэр.

Бииргэ олорон кэлбит 47 сылларын тухары, бэйэ-бэйэни өйөнсөр, өйөһөр сыаллаахтар, чөл олоҕу өрө туталлар. Өрөспүүбүлүкэ араас быыстапкаларыгар өрүүтүн көхтөөх кыттыыны ылаллар.

Маннык истиҥ эйгэлээх ыал Сахабыт сиригэр үксүү турдун!

Зоя Ивановна уонна Анатолий Афанасьевич «Мой уютный двор» диэн АКС хаартыска күрэҕигэр кытта сылдьаллар. Кинилэр сыралаах үлэлэрин, тиэргэннэрин кэрэтин олус сөҕөбүт!
“Мой уютный двор” конкурска кыттарга балаҕан ыйа 15 кунугэр диэри хаартыскалары тутабыт
Сииһилии конкурс туһунан АКС сайтыгар almazkredit.ru аа5ын